वीर भगतसिंग यांची जयंती म्हणजे विवेकवादी क्रांतीकारकाची जयंती
चाळीसगाव – प्रतिनिधी मनोज भोसले
विर भगतसिंग विद्यार्थी परिषद व रयत सेनेच्या वतीने विर भगतसिंग जयंती निमित्त दि २८ रोजी शहरातील शिवाजी चौकात रयत सेना संस्थापक अध्यक्ष गणेश पवार यांच्या हस्ते प्रतिमा पूजन करण्यात आले.
वीर भगतसिंग हे सशस्त्र क्रांतीकारक म्हणून तर परिचीत आहेत मात्र त्यांची दुसरी बाजू दुर्लक्षित आहे.तरुन त्यांना क्रांतिकारक म्हणून तर ओळखतात मात्र लेखक व विवेकवादी विचारवंत म्हणून ओळखत नाही.भगतसिंग समग्र वांगमय हा ग्रंथ न्यायमूर्ती पी.बी.सावंत यांच्या अध्यक्षतेखालील समितीने प्रकाशित केला आहे.त्यात भगतसिंग यांची जेल डायरी,त्यांची पत्र व इतर सर्व माहिती आहे.त्याचीही ओळख व्हावी.भगतसिंग हे अभ्यासू,विज्ञाननिष्ठ व प्रगल्भ राजकारणी होते.असे राजकारणी सद्यस्थितीत दुर्लभ झाले आहेत.त्यांचा आदर्श घेऊन तरुणांनी राजकारणात यावे असे मत शिवाजी चौक (सिग्नल पॉईंट) चाळीसगाव येथे वीर भगतसिंग यांच्या जयंतीनिमित्त वीर भगतसिंग विद्यार्थी परिषद व रयत सेनेच्या वतीने आयोजित अभिवादन सभेत राज्य प्रवक्ते पंकज रणदिवे यांनी व्यक्त केले.
अभिवादन सभेचे प्रास्ताविक करतांना रयत सेनेचे संस्थापक अध्यक्ष गणेश पवार यांनी सांगितले की,भगतसिंग प्रत्येक युवकांच्या मनात व विचारात उतरला पाहिजे तरच बदल घडू शकेल.त्यासोबचत चंद्रपूर व गडचिरोली या जिल्ह्यांत खूप मोठ्या प्रमाणावर पूरस्थिती निर्माण झालेली असून 400 गावे बाधित आहेत.त्यांना या जयंती निमित्त मदत देण्याचे आवाहन केले.अभिवादन सभेला योगेश पाटील, जयश्री रणदिवे,राहुल पाटील,स्वप्नील जाधव,सहयाद्री प्रतिष्ठानचे शरद पाटील.रयत सेना जिल्हाअध्यक्ष संजय कापसे. विद्यार्थी युवक जिल्हाअध्यक्ष आकाश धुमाळ.शिक्षक सेनेचे जिल्हा उपाध्यक्ष दिनेश चव्हाण.तालुका उपाध्यक्ष मुकुंद पवार. विलास मराठे . कार्याध्यक्ष सुनिल निंबाळकर.उपाध्यक्ष प्रदीप मराठे प्रशांत अजबे .अभिमन्यू महाजन.सुनिल पाटील.एम एम पवार.निंबा गायकवाड.पंकज पाटील.यांची उपस्थिती होती.
