कळवण व सुरगाणा तालुक्याचा खा.डॉ.भारती पवारांनी घेतला आढावा
सुनील घुमरे
नाशिक प्रशासकीय इमारत कोल्हापूर फाटा कळवण येथे खासदार डॉ.भारती पवार यांच्या उपस्थितीत कळवण कार्यालयात कोरोना COVID -19 संदर्भात संभाव्य उपाययोजने बाबत प्रशासकीय अधिकारी…BDO/महसूल /आरोग्य/गृह /आदि.विकास विभाग/कळवण नगरपंचायत आदिं अधिकारी वर्गासोबत बैठक पार पडली. या बैठकीत कोरोनाच्या पार्श्वभूमीवर तालुका स्तरावर काय काय उपाययोजना करण्यात आल्या तसेच केंद्राने पाठवलेली मदत ही लाभार्थ्यांना व्यवस्थित वितरित झाली का? गरजू लोकांपर्यंत ह्या आपत्तीकाळात. मदत पोहचवा. अनेकांना रेशन मिळण्यात अडचणी येत आहेत त्याचे लवकरात लवकर निराकरण करून त्यांनाही अन्नधान्य उपलब्ध करून देण्याच्या सूचना केल्या. मोफत उज्वला गॅस योजने संदर्भात अजूनही लाभार्थी अनभिज्ञ आहेत ह्या संदर्भात योग्य ते मार्गदर्शन करून त्यांना मोफत गॅस सिलेंडर देण्याची व्यवस्था करा तसेच शेतकरी ,मजूर कामगार आदींच्या प्रश्नाबाबत सविस्तर माहिती जाणून घेतली .प्रशासकीय अधिकाऱ्यांशी बोलतांना खा.डॉ.भारती पवारांनी शासकीय आश्रम शाळेतील वापरावाचून पडून असलेले धान्य हे वंचित,गरीब मजुर वर्गास उपलब्ध करून देण्याची सूचना केली. तालुक्यातील धान्यवितरण प्रणाली तसेच अधिकारी वर्गाकडून शासकीय अडचणी जाणून त्या सोडविण्याबाबत वरिष्ठ पातळीवर लगेच कार्यवाही करणे संदर्भात पाठपुरावा केला. एकंदरीत कळवण तालुक्याची COVID- 19 बाबत समाधानकारक परिस्थिती बद्दल सर्व शासकीय विभाग/अधिकारी वर्गाचे खासदारांनी कौतुक केले. याप्रसंगी भाजप ता.अध्यक्ष दिपक खैरनार, भाजप नेते सुधाकर पगार, विश्वास पाटिल, हेमंत रावले, हितेंद्र पगार, चेतन निकम, मोतीराम वाघ, गोरख चव्हाण, प्रविण रौदळ,अमित देवरे, हेमंत पगार, रुपेश शिरोडे, आदींसह पदाधिकारी उपस्थित होते…!!*
तसेच सुरगाणा तालुक्याचीही आढावा बैठक ही सुरगाणा तहसील कार्यालयात संपन्न झाली या ठिकाणीही खा.डॉ.भारती पवारांनी कोरोना संदर्भातील कामांचा आढावा घेत केंद्राकडून पाठवलेल्या लाभार्थ्यांपर्यंत मदत पोहचली कि नाही. कुणी या मदतीपासून वंचित राहिले तर नाही ना याचीही शहनिशा केली. या कोरोना साथीत आपण सर्व शासकीय कर्मचारी ,पोलीस कर्मचारी ,आरोग्य कर्मचारी ,सफाई कर्मचारी ,अंगणवाडी सेविका ,आशा वर्कर व काम करणाऱ्या सर्वच स्वयंसेवी संस्थेच्या कार्यकर्त्यांनी आपल्या आरोग्याची व्यवस्थित काळजी घेण्याचे आवाहन खा.डॉ.पवार यांनी केले. त्याचबरोबर आदिवासी विकास विभागाच्या शासकीय आश्रम शाळांमध्ये विद्यार्थ्यांकरिता वाटप करण्यात येत असलेले अन्नधान्य कडधान्य आदी जीवनावश्यक वस्तूंचे मूल्यमापन करून तो खराब होण्या अगोदर गरजूंना वितरित करण्याचा सूचना करण्यात आल्या व तसे लेखी पत्राद्वारे देखील आदिवासी आयुक्तांना कळविण्यात आले आहे. या बैठकी प्रसंगी तहसीलदार विजय सूर्यवंशी ,तालुका वैद्यकीय अधिकारी डॉ दिलीप रणवीर ,नगरपालिका मुख्याधिकारी नागेश येवले ,ऐ .पी .आय .निलेश बोडके ,जेष्ठ भाजपा नेते ऐन डी गावित ,सुगाणा तालुकाध्यक्ष सुनील भोये नगरसेवक सचिन अहिर ,डॉ .विनोद महाले ,विठ्ठल गावित ,शामू पवार ,रंजना लहरे आदी उपस्थित होते .
