मोगरगा येथील केदारलिंग विद्यालयात निरोप समारंभ संपन्न
लातुर प्रतिनिधी:-प्रशांत दिलीप नेटके
औसा तालुक्यातील मोगरगा येथील
केदारलिंग माध्यमिक व उच्च माध्यमिक विद्यालयात निरोप समारंभ संपन्न झाला. यावेळी इयत्ता दहावी व बारावी च्या विद्यार्थ्यांना निरोप देण्यात आला. यावेळी कार्यक्रमाला प्रमुख पाहुणे म्हणून प्राध्यापक दादासाहेब सुर्यवंशी (आदर्श महाविद्यालय उमरगा ) तसेच गणेश कलशेट्टी सर (जिल्हा परिषद शाळा मोगरगा ) हे उपस्थित होते. कार्यक्रमाचे अध्यक्ष म्हणून संस्थेचे अध्यक्ष श्री चंद्रशेखर सोनवणे हे होते. यावेळी प्रमुख पाहुण्यांनी विद्यार्थ्यांना भावी जीवनात यशस्वी होण्यासाठी मार्गदर्शन केले.कार्यक्रमाचे प्रस्ताविक शाळेचे मुख्याध्यापक विक्रम सोनवणे यांनी केले तर आभार दिनकर निकम यांनी मानले. यावेळी विद्यार्थ्यांनी आपले मनोगत व्यक्त केले. या कार्यक्रमास शाळेतील शिक्षक श्री भगवान टोम्पे, गोविंद सूर्यवंशी, माडजे मॅडम, अरुण पाटील, जमादार सर, गायकवाड सर, सुनील लोंढे उपस्थित होते.
