Big Breaking: मालेगावात पहाटेचा थरार… कॅबिनेट मंत्री दादा भुसे यांच्या मुलावर हल्ला…
मालेगाव कॅबिनेट मंत्री दादा भुसे यांच्या मुलगा अविष्कार भुसे यांच्या वाहनावर भल्या पहाटे हल्ल्याचा प्रयत्न झाल्याचे समजते. या प्रकाराने मालेगाव आणि परिसरात खळबळ उडाली आहे. देव दर्शनाहून येताना काही टवाळखोरांनी हा हल्ला केल्याची घटना घडली आहे.
कॅबिनेट मंत्री दादा भुसे यांचा मुलगा अविष्कर भुसे याच्या वाहनावर काही टवाळखोरांनी हल्ल्याचा प्रयत्न केला . भल्या पहाटेच हा प्रकार घडल्याने मालेगाव आणि परिसरात एकच खळबळ उडाली. देवदर्शनाहून येताना काही टवाळखोरांनी हा हल्लाकेला. याप्रकरणी मालेगाव पोलीस ठाण्यात आरोपींविरोधात गुन्हा दाखल करण्यात आला आहे. पोलीस पुढील तपास करत आहे. गो तस्करी थांबवण्यासाठी अविष्कार भुसे यांनी प्रयत्न केल्याचे समजते. त्यानंतर हा प्रकार घडला. या प्रकरणी छावणी पोलिसांनी आयशर जप्त केली आहे. त्यातून गायी देखील ताब्यात घेण्यात आल्या आहेत.
गो-तस्करीचा प्रयत्न हाणून पाडला
मंत्री दादा भुसे यांचे चिरंजीव अविष्कार भुसेंच्या वाहनावर टवाळखोरांनी हल्ल्याचा प्रयत्न केला. संशयित गो-तस्कर असल्याचे समोर येत आहे. पहाटे पावणेचार वाजेच्या सुमारास हा प्रकार घडल्याचे दिसून आले. देव दर्शनाहून परतत असताना हा प्रकार घडला. आयशर गाडीत जनावर चोरून नेत असल्याचा संशय आल्याने अविष्कार भुसे यांनी वाहनातून पाठलाग केला होता. याप्रकरणी आरोपींविरोधात मालेगाव छावणी पोलिसात गुन्हा दाखल करण्यात आला आहे.
