पोळा सणाला मिरवणूक न काढण्याचे जिल्हाधिकारी यांचे आवाहन
रजनीकांत पाटील
जळगांव प्रतिनिधी:- पोळा या सणाच्या निमित्ताने नागरिकांनी बैल पूजा घरीच करावी बैलांची मिरवणूक काढण्यात येऊ नये. सार्वजनिक प्रसादाचे वाटप करण्यात येऊ नये. तसेच कोणत्याही प्रकारे गर्दी होणार नाही याची सर्व नागरिकांनी दक्षता घ्यावी. असे आवाहन जिल्हाधिकारी अभिजित राऊत यांनी केले आहे.
दि 4 ऑगस्ट 2020 रोजी आदेशान्वये सर्व प्रकारचे राजकीय, सामाजिक,सांस्कृतिक,शैक्षणिक, धार्मिक कार्यक्रम व इतर मोठ्या प्रमाणात गर्दी होणारे सर्व कार्यक्रमावर पूर्णपणे बंदी घालण्यात आली आहे.
शासन परिपत्रक 17जुलै 2020 नुसार सर्व जनावरांचे बाजार बंद करण्यात आले आहे. तरी नागरिकांना जनावरे खरेदी करावायची असल्यास त्यानी ऑनलाईन पध्दतीने अथवा दूरध्वनीवरून जनावरे खरीदी करावी.या बाबत सूचना देण्यात आल्या आहेत या पार्श्वभूमीवर वर अभिजित राऊत जिल्हाधिकारी तथा अध्यक्ष आपत्ती व्यवस्थापन प्राधिकरण यांनी याप्रकारे आवाहन केले आहे.
