सावदा येथे गट नं.१३५ च्याया शेत जमीनीची प्लॉटी म्हणून बेकायदा विक्रीची बुकींग सुरू!
“पालिकेतील मुख्याधिकारी व नगर रचना विभागा सदर प्रकरणाकडे दुर्लक्ष करून तात्पुरता स्वरुपाची परवानगी देण्याच्या मार्गावर?”
सावदा प्रतिनिधी युसूफ शाह
सावदा :- जळगांव जिल्ह्यातील रावेर तालुक्यात असलेल्या सावदा नगरपालिका हद्दीतील गट नं.१३५ च्या शेत जमीनीवर न.पा.सह नगर रचना विभाग जळगांव, जिल्हाधिकारी जळगांव येथून नियमानुसार कोणतीच परवानगी न घेता शेत मालकांनी येथील नैसर्गिक नाल्याचे सपाटीकरण करून परस्पर मनाप्रमाणे बेकायदेशीर ले – आऊट बनवून,प्लाट बुकींग पावत्या,तयार केले.असून शेत जमीनवर खुणा देखील टाकून शेत जमीनीला प्लाटीत विभागणी करून लोकांना विक्री करत असल्याचा गोरखधंदा राजरोसपणे सुरू असल्याची माहिती समोर आली आसता.या संदर्भात मुख्याधिकारी किशोर चव्हाण यांची त्यावेळी तक्रारदारांनी समक्ष भेट घेऊन पुरावेदेखील दाखवून तक्रार दिली होती.
याबाबत अधिक माहिती अशी की, सदरील गटनं.१३५ हा पालिका हद्दीत असून या गटामध्ये पुर्वापार वर्षापासून कोचुर गावाकडून नैसर्गिक नाला वाहत असतो.गेल्या पावसाळ्याच्या दिवसात बेकायदेशीरपणे सदर शेतजमिनीवर परस्पर प्लॉटी दर्शवण्यात कामी या नैसर्गिक नाल्याचे सपाटीकरण करण्यात आल्याने सदर परिसरातील रहिवासी लोकांच्या राहत्या घरात पावसाळ्याचे पाणी शिरून गेल्याने याचा त्रास स्थानिकांना सहन करावा लागला. त्यावेळी नगरपालिका प्रशासनाकडून जेसीबी द्वारे तात्पुरत्या स्वरूपात पाणीची विल्हेवाट लावण्या करीता तारेवरची कसरत करून चारी खोदावीलागली होती.तरीही सदर नैसर्गिक नाल्याचे बेकायदेशीरपणे सपाटीकरण करणाऱ्यांवर कोणतीच कठोर कारवाई पालिका प्रशासनाकडून न होणे बरेच काही सांगून जात आहे.कारण की,या संपूर्ण प्रकरणाची अधिकृत माहिती सह नागरीकांची तक्रार देखील पालिका प्रशासनाला प्राप्त असूनही सदर जमिनीला बिनशेती परवानगी करिता तात्पुरता स्वरूपाची परवानगी पालिका प्रशासनाकडून देण्यात येणार असल्याची खात्रीलायक माहिती समजली आहे.? म्हणूनच पुराव्यानिशी नगर रचना विभाग जळगांव व जिल्हाधिकारी जळगांव येथे काही जागरूक नागरिक सदर प्रकरणी लवकरच तक्रार दाखल करणार आहे.
