दुकानदारांनी मार्गदर्शक सूचनांचे पालन करावे-मुख्याधिकारी कदम
चांदवड उदय वायकोळे
चांदवड नगरपरिषदचे मुख्याधिकारी श्री अभिजित कदम यांनी एक सूचना पत्रक काढून चांदवड शहरातील दुकानदारांनी कोरोनाचा संभाव्य धोका टाळण्यासाठी मार्गदर्शक सूचनांचे पालन करण्याचे आवाहन केले आहे.ग्राहक दुकानात प्रवेश करण्याअगोदर साबण किंवा सॅनिटीझर ने हात धुणे आवश्यक आहे,ग्राहक व दुकानदार यांनी मास्क वापरणे आवश्यक आहे.सोशल डिस्टनसिंगचे पालन करणे बंधनकारक आहे.प्रत्येक दुकानदार व ग्राहकाने आरोग्य सेतू ऍप वापरणे बंधनकारक आहे.
सर्दी,खोकला,ताप यासारखी लक्षणे ग्राहकाला असल्यास त्याला प्राथमिक तपासणी करणेस सांगणे व त्याची माहिती चांदवड शहर सुरक्षा समितीला देणे.याव्यतिरिक्त सलून दुकानदारांसाठी सुद्धा मार्गदर्शक सूचना दिलेल्या आहेत,त्यांचे पालन न केल्याने 3 दुकानदारांकडून प्रत्येकी 500 रु दंड वसूल करण्यात आल्याचे मुख्याधिकारी अभिजित कदम यांनी सांगितले.
