प्रतिनिधी नूरखान
मारवड हद्दीतील पाडळसे येथील इसम नामे सचिन पाटील यांच्या आईचे डायलीसीसचे औषधं फक्त दोन दिवसांकरीताच उरल्याने व ते फक्त औरंगाबाद व पुणे येथेच मिळत असल्याने त्यांना काही सुचत नव्हते. ते लाॅक डाऊन तोडुन परस्पर जाण्याच्या विचारात असतांनाच श्री वसंतराव पाटील पत्रकार पाडळसे यांनी त्यांना सपोनि राहुल फुला, मारवड यांचेकडे पास मिळतो का? यासाठी पाठविले तेव्हा मेडीसीन ही अत्यावश्यक सेवा आहे व घरपोच सेवा देण्यावर भर आहे. पास ची काही आवश्यकता नाही असे सांगुन लागलीच स्वत: औरंगाबाद येथील एजन्सी चालकास स्वत:चे मोबाईलवरुन फोन केला व यापुर्वी पोलीस उरयप निरीक्षक असतांना सन २०१० ते २०१४ पावेतो औरंगाबाद सिटी चौक पोलीस स्टेशन येथे नोकरी केली असल्याने तेथील आपल्या जुन्या व प्रतिष्ठीत मित्र परिवाराची ओळख दिली. एजन्सी चालकास त्यांचेकडुन खाजगी वाहनाची मदत घेण्यास व प्रवासामधे रस्त्यात कोणी काही अडचण केल्यास आम्हास संपर्क करण्यास सांगुन विश्वास दिला आणि सदर औषधं मारवड पो स्टे ला किंवा सचिन पाटील यांच्या घरी घरपोच औषधं पाठविण्या करीता पाठपुरावा केला. ती औषधं आज दि.५.४.२०२० रोजी खाजगी वाहनाने प्राप्त झाल्याने त्यांचे घरी जावुन दिली असता त्यांचे आई सह संपुर्ण परिवार खुपच भारावुन गेला व त्या सर्वांनी राहुल फुला सपोनि, मारवड व वसंतराव पाटील पत्रकार यांच्या प्रति आभार व्यक्त केले.
