धनाजी नाना महाविद्यालयात रक्तदान शिबिराचे आयोजन

धनाजी नाना महाविद्यालयात रक्तदान शिबिराचे आयोजन

सलीम पिंजारी

तापी परिसर विद्या मंडळ संचलित धनाजी नाना महाविद्यालयात एच डी एफ सी बँक रावेर व सावदा शाखा यांच्या सहकार्याने थोर स्वातंत्र्य सेनानी कै धनाजी नाना चौधरी यांच्या पुण्यतिथीच्या औचित्याने भव्य रक्तदान शिबिराचे आयोजन करण्यात आले.

यात महाविद्यालयातील विद्यार्थी विकास विभाग, राष्ट्रीय सेवा योजना, राष्ट्रीय छात्र सेना, राष्ट्रीय सण व उत्सव समिती यासोबत प्राध्यापक, प्राध्यापकेतर कर्मचारी आणि विद्यार्थ्यांनी उस्फूर्तपणे सहभाग नोंदवला. रक्त संकलनासाठी रेड क्रॉस सोसायटी, जळगाव यांना बोलावण्यात आले होते. याप्रसंगी महाविद्यालयाचे प्राचार्य प्रा डॉ पी आर चौधरी यांनी रक्तदान हेच श्रेष्ठदान असून प्रत्येकाने सामाजिक बांधिलकी म्हणून रक्तदानासारख्या पवित्र कार्यात उस्फूर्तपणे सहभाग घ्यावा असे आवाहन करीत महाविद्यालयात धनाजी नाना चौधरी यांच्या पुण्यतिथीनिमित्त समाज उपयोगी उपक्रमाचे आयोजन होत असल्याबद्दल समाधान व्यक्त केले. त्यांनी विद्यार्थी विकास विभाग, राष्ट्रीय सण व उत्सव समिती, राष्ट्रीय सेवा योजना, राष्ट्रीय छात्र सेना या घटकांचे अभिनंदन केले. याप्रसंगी महाविद्यालयाच्या वतीने प्राचार्य प्रा डॉ पी आर चौधरी, उपप्राचार्य प्रा डॉ ए आय भंगाळे, प्रा डॉ सतीश चौधरी, प्रा डॉ जी जी कोल्हे, समन्वयक, विद्यार्थी विकास विभाग, प्रा डॉ आय पी ठाकूर, चेअरमन, राष्ट्रीय सण व उत्सव समिती, प्रा डॉ शरद बिऱ्हाडे, कार्यक्रम अधिकारी, राष्ट्रीय सेवा योजना, प्रा लेफ्टनंट राजेंद्र राजपूत, एनसीसी अधिकारी प्रा एस डी पाटील, प्रा विवेकानंद महाजन, प्रा नरेंद्र वाघोदे, प्रा डॉ रवी केसुर, प्रा हरीश नेमाडे यांच्यासोबत एचडीएफसी बँक रावेर व सावदा येथील शाखेचे श्री मुकुंदा तावडे, ऑपरेशन्स मनेजर, श्री नरेंद्र धनगर, डेप्युटी मॅनेजर, श्री चेतन सोनवणे, सेल्स ऑफिसर, श्री सागर तायडे, पी बी ऑफिसर, अभिजीत मिटकर, सेल्स ऑफिसर, श्री राहुल तेली ऑपरेशन्स ऑफिसर यांनी सहकार्य केले. यासोबत रेड क्रॉस सोसायटी जळगाव यांच्यामार्फत डॉ शंकरलाल सोनवणे, ट्रान्सफ्युजन ऑफिसर, सौ सुनीता वाघ, सीनियर लॅब टेक्निशियन, सौ गीतांजली कुवर, सीनियर लॅब टेक्निशियन, सौ रुपाली बडगुजर, जूनियर लॅब टेक्नीशियन, श्री किरण बाविस्कर, श्री उमाकांत शिंपी यांनी सहकार्य केले.
यावेळी एकूण 60 रक्तदात्यांनी रक्तदान करून मानसिक समाधानासोबतच गरजू रुग्णाच्या प्राण वाचविण्यासाठी योगदान दिले.

रक्तदान प्रसंगी महाविद्यालयातील प्राध्यापक, प्राध्यापिका व विद्यार्थ्यांनी उस्फूर्तपणे रक्तदान करून या पवित्र कार्यात सहभागी होण्याचे समाधान व्यक्त केले.

शिबिराच्या यशस्वीतेसाठी तापी परिसर विद्या मंडळ, फैजपुर चे अध्यक्ष मा श्री शिरीष दादा चौधरी, आमदार, रावेर विधानसभा मतदारसंघ, सन्मा. व्यवस्थापन मंडळ, सर्व सन्माननीय पदाधिकारी, महाविद्यालयाचे प्राचार्य प्रा डॉ पी आर चौधरी सर्व उपप्राचार्य, प्राध्यापक, शिक्षकेतर कर्मचारी व विद्यार्थी यांनी सहकार्य केले.