पंढरपुरातील भगवानगड मठ भागातील गरीब व मजूरांना मनसेची मदत
प्रतिनिधी रफिक आतार
पंढरपूर, कोरोना व्हायरसमुळे अनेक गरीब कुुटुंबे अडचणीत आली आहेत. उद्योग व्यवसाय बंद असल्याने त्यांचा रोजगार ठप्प झाला आहे. त्यामुळे हातावरचे पोट असणारे अनेक मजूर अडचणीत आले आहेत. अशा गरीब व मजूर लोकांच्या मदतीसाठी मनसे मदतीला धावून आली आहे. शहरातील नाथ चौकातील भगवानगड मठ परिसरात राहणार्या गरीब व गरजू लोकांना मनसेचे प्रदेश सरचिटणीस दिलीप धोत्रे यांच्या वतीने धान्य आणि जीवनावश्यक वस्तूंचे वाटप केले. भगवानगड मठाचे प्रमुख माऊली महाराज आणि अॅड. पराग जहागीरदार यांच्या हस्ते मदतीचे वाटप केले.कोरोना विषाणूचा प्रादुर्भाव रोखण्यासाठी देश आणि राज्यात लाॅकडाऊन लागू करण्यात आला आहे. लाॅकडाऊनमुळे विशेषतः शहरातील मजूर आणि स्वयंरोजगार करणारे गरीब लोक अडचणीत आले आहेत. गेल्या दीड महिन्यापासून सर्व व्यवहार ठप्प झाल्याने आर्थिक नाकेबंदी झाली आहे. अशा संकटाच्या काळात अनेक गरीब कुटुंबांना मदतीची गरज होती. अशा गरीब व मजूर लोकांची गरज ओळखून मनसेचेे प्रदेश सरचिटणीस दिलीप धोत्रे यांनी आज नाथचौक परिसरातील भगवानगड मठ परिसरातील गरजू व गरीब लोकांना गव्हू,तांदुळ, साखर, शेंगदाणे,तेल,पोहे, चहा पावडर अशा जीवनावश्यवक वस्तूंचे मोफत वाटप केले.यावेळी मनसेचे तालुका अध्यक्ष शशिकांत पाटील, शहराध्यक्ष सिध्देश्वर गरड, उपाध्यक्ष महेश पवार,अर्जून जाधव, सागर घोडके, सुहास भाळवणकर,हेमंत भाळवणकर, संजय रणदिवे आदी उपस्थित होते.
