बार्टी मार्फत लोकशाहीर अण्णा भाऊ साठे यांची जन्मशताब्दी उत्साहात साजरी
प्रतिनिधी शांताराम दुनबळे
महाराष्ट्र शासनाच्या सामाजिक न्याय व विशेष सहाय्य विभागच्या डॉ. बाबासाहेब आंबेडकर संशोधन व प्रशिक्षण संस्था (बार्टी) पुणे, यांच्या वतीने साहित्यरत्न, लोकशाहीर अण्णा भाऊ साठे यांच्या जन्मशताब्दी निमित्त ऑनलाईन व्याख्यानमाला आयोजित करून कार्यक्रम घेण्यात आले. या कार्यक्रमात तज्ञांकडून मार्गदर्शनपर व्याख्यानमालेचे आयोजन करण्यात येत होते. दि. १ ऑगस्ट पासून ते ३ ऑगस्ट पर्यंत नाशिक जिल्ह्यातील प्रत्येक समतादूताने रोज एक असे प्रत्यकी तीन ऑनलाईन व्याख्यानमालेचे कार्यक्रम घेतले. दिंडोरी तालुक्यात समतादूत रुपाली आढाव व समतादुत सुनिल पागे यांनी १ ऑगस्ट रोजी प्रा. सुभाष पवार सर यांचे व्याख्यान अध्यक्ष श्री. ज्ञानेश्वर जाधव सर यांच्या उपस्थितीत घेण्यात आले. पवार सरांनी “अण्णा भाऊ साठे समजून घेताना” या विषयावर बोलत अण्णा भाऊंचा सर्व जीवनपाटावर दृष्टीक्षेप टाकला. त्यांनी अण्णा भाऊंचा जीवनप्रवाह किती खडतर होता पण त्यातून त्यांनी कसे मार्ग काढत आयुष्य सुंदर केले हे आपण सर्वांनी समजून घेतले तर आपल्याला एक नवीन प्रेरणा नक्कीच मिळेल असे सांगितले दि. २ ऑगस्ट रोजी शिक्षण अधिकारी मा. निलेश पाटील सर यांनी स्पर्धा परीक्षा आणि आव्हाने या विषयावर व्याख्यान देत सांगितले कि, अण्णा भाऊंच्या काळात त्यांच्या समोर रोजच एक आव्हाहन असायचे पण त्यांनी हार न मानता लढा दिला त्याचप्रमाणे आजच्या या स्पर्धेच्या काळात विध्यार्थ्यानी प्रामाणिक पणे प्रयत्न केले तर नक्कीच त्यांच्या पुढे एक उज्ज्वल भविष्य उभे आहे. असे प्रेरणादायी मार्गदर्शन केले. यावेळी अधीक्षक (सार्वजनिक आरोग्य विभाग मंत्रालय मुंबई) येथील मा. श्री. तडवी सर हे अध्यक्ष स्थानी होते. त्याच प्रमाणे दि. ३ ऑगस्ट रोजी प्रा. सौ. सुशीला ठाणगे मडम मराठी विषय टीचर ज्यू. कॉलेज कोपरगाव यांच्या अध्यक्षतेखाली मा. श्री. शरद सैंदाने सर पी.एस.आय. अधिकारी यांनी विध्यार्थ्यांना बार्टीच्या वतीने चालू असेल्या एम.पी.एस.सी. परीक्षेच्या क्लासच्या अनुषंगाने मार्गदर्शन केले. स्वतः मराठी शाळेत शिकून सुद्धा आज पी.एस.आय. अधिकारी असा प्रवास त्यांनी कसा केला हे सांगितले त्याच प्रमाणे अभ्यास करताना कश्या प्रकारे करावा काय ध्येय समोर ठेवावे म्हणजे आपण आपले काम योग्य रीतीने पूर्ण करत असतो. त्याच प्रमाणे अध्यक्ष सौ. ठाणगे मादाम यांनी आपल्या अध्यक्षीय भाषणात देखील सर्वांसाठी मोलाचे मार्गदर्शन केले. त्यांनी दोघांनी अण्णा भाऊ साठे यांचा आणि इतर समाज सुधारकांचा आदर्श ठेऊन त्यांच्या कडून प्रेरणा घ्यायला हवी असे सर्वाना सांगितले.
या सर्व ऑनलाईन कार्यक्रमास विविध विभागातील लोकांनी आपला सहभाग नोद्विला यात बार्टीच्या पुणे यथील वरिष्ठ अधिकारी समवेत बार्टीचे नाशिकचे अधिकारी आणि इतर क्षेत्रातील अधिकारी आणि मान्यवर मोठ्या प्रमाणात विध्यार्थी वर्ग आणि इतर विविध क्षेत्रातील लोकांनी सहभाग नोद्विला. महाराष्ट्रभर घेण्यात येणा-या ऑनलाईन व्याख्यानमालेला मोठ्या प्रमाणात सहभाग नोंदवून सर्वांनी आमच्या कामाची पावती आम्हाला दिली आहे. सर्व स्तरावरून या बार्टीच्या ऑनलाईन उपक्रमाचे स्वागत होत आहे त्याच प्रमाणे कौतुक केले जात आहे.
सामाजिक न्याय व विशेष सहाय्य विभागाचे मंत्री मा. धनंजय मुंडे साहेब, बार्टीचे महासंचालक श्री. कैलास कणसे सर, मुख्य प्रकल्प संचालिका श्रीम. प्रज्ञा वाघमारे आणि प्रकल्प अधिकारी श्रीम. प्रतिज्ञा दाभाडे यांच्या मार्गदर्शनाखाली जिल्यातील सामतादूत हे काम यशस्वी रित्या पूर्ण करत आहे.
