Amalner: थकबाकीदार पतपेढ्यांना अमळनेर न प ने केले सील….13 नळ कनेक्शन बंद..!
अमळनेर दि. 31 जानेवारी अखेर थकबाकीपोटी अमळनेर शहरातील
अमळनेर नगरपरिषद येथे शहरातील थकबाकी असलेल्या श्रीराज पतपेढी, आशापुरी पतपेढी, पूर्णवाद सहकारी पतपेढी, मंगलमूर्ती पतपेढी व मैत्री प्लॉटर्सच्या दोन मालमत्तांना अमळनेर नगर परिषदेच्या भरारी वसुली पथकातील कर्मचाऱ्यांनी सील लावले असून त्यामुळे थकाबाकीदार असलेल्या मालमत्ता धारकांच्या उरात धडकी भरलेली आहे.उपमुख्याधिकारी संदीप गायकवाड,कर निरीक्षक जगदीश परमार,शेखर देशमुख,गणेश शिंगारे,नितीन खैरनार या भरारी पथकाने सदर कार्यवाही मुख्याधिकारी प्रशांत सरोदे यांच्या मार्गदर्शनाखाली केली.
वरील पतपेढ्यांकडे सुमारे 22 लाख 50 हजाराची थकबाकी असल्यामुळे आज रोजी केलेल्या कारवाईच्या व भरारी पथकाच्या नळ कनेक्शन बंद करणे, मालमत्ता सील करणे अशा कामगिरीमुळे आज रोजी पाच लाखाचा वसूल मिळालेला असून नागरिकांना अमळनेर परिषदेकडून पुन्हा विनंती करण्यात येते की आपणाकडे असलेल्या घरपट्टी पाणीपट्टी व दुकान भाडेपोटी थकीत रकमा त्वरित भरुन अमळनेर नगर परिषदेत सहकार्य करावे व आपणावर अशा जप्तीची कारवाई टाळावी असे आवाहन मुख्याधिकारी श्री प्रशांत सरोदे यांनी केले आहे.
आजची विशेष वसुली मोहीम नगरपरिषद वसुली वार्ड 5/6 भागात राबविण्यात आली आहे.
कार्यवाही झालेल्या पतपेढी आणि थकबाकी
आशापुरी नागरी सहकारी पतपेढी थकबाकी 163034/-
पूर्णवाद नागरी सहकारी पतपेढी 97574/-
मंगलमूर्ती नागरी सहकारी पतपेढी 998343/-
श्रीराज नागरी सहकारी पतपेढी 465450/-
मैत्रेय प्लॉटर्स अँड डेव्हलपर्स 482416/-
मैत्रेय प्लॉटर्स अँड डेव्हलपर्स 70056/-
