Amalner: महिला सफाई कामगाराचा विनयभंग… आरोग्य निरीक्षकासह मुकादमावर गुन्हा दाखल..
अमळनेर शहरातील नगर परिषदेच्या महिला सफाई कामगाराचा विनयभंग केल्याची घटना घडली असून आरोग्य निरीक्षक व मुकादमासह तिघांवर अमळनेर पोलिस ठाण्यात गुन्हा दाखल करण्यात आला आहे.
याबद्दल सविस्तर माहिती अशी की, गेल्या सहा महिन्यांपासून आरोग्य निरीक्षक युवराज श्रीपत चव्हाण, आरोग्य निरीक्षक संतोष बिऱ्हाडे आणि मुकादम ज्ञानेश्वर मंगल संदानशीव हे कामावर त्रास देत होते. २७ जून रोजी सकाळी ९ वाजता विनयभंग करून लोटून दिल्याने खाली सदर महिला खाली पडली. त्यानंतर तिघांनी त्रास देणे सुरूच ठेवले. तिघांनी १३ जुलै रोजी शिस्तभंगाची नोटीस दिली. याबाबत मुख्याधिकाऱ्यांकडे तक्रार केली होती. मुख्याधिकारी उशिराने गावाहून आल्याने अमळनेर पोलिस ठाण्यात फिर्याद दिल्यावरून तिघांविरुद्ध गुन्हा दाखल करण्यात आला आहे. पुढील तपास पोलिस उपनिरीक्षक योगेश ढिकले करत आहेत.
