Amalner: चोऱ्यांचे सत्र: प्रताप मिल कंपाऊंड परीसरात घरफोडी…
अमळनेर शहरातील प्रताप मिल कम्पाउंड परिसरात चोरटय़ाने घरफोडी करून सोन्याचे दागिने व रोख रक्कम असा ६१ हजार रुपयांचा मुद्देमाल चोरून नेल्याची घटना २० रोजी रात्री घडली. याबाबत अमळनेर पोलिस ठाण्यात गुन्हा दाखल करण्यात आला आहे.
याबद्दल सविस्तर माहिती अशी की, शहरातील प्रताप मिल कंपाऊंड परिसरात राहणाऱ्या कैलास शांताराम बिरारी यांच्या घरी दिनांक २० रोजी रात्री अज्ञात चोरट्यांनी घराचा मागचा दरवाजा टॉमीच्या सहाय्याने तोडून घरातील कपाटातील सुमारे १७ ग्रॅम वजनाचे ४२ हजार ५०० रु किंमत असलेली मंगल पोत, व चार ग्रॅम वजनाची १० हजार रु किंमत असलेले सोन्याचे कानातील कर्णफुले व खिशातील नऊ हजार रु रोख असा ६१ हजार ५०० रु.चा मुद्देमाल चोरून नेले.याबाबत अज्ञात चोरट्यांविरुद्ध भादवी कलम ४५७,३८० नुसार अमळनेर पोलिस ठाण्यात गुन्हा दाखल करण्यात आला असून पुढील तपास पोलीस हे. कॉ. सुनील हटकर करीत आहे.
