Health: कच्च्या भाज्या खाताय सावधान..!ह्या भाज्यांमुळे होऊ शकतो हा त्रास..!
कच्च्या भाज्या खाण्याचे असंख्य फायदे आहेत. कच्च्या भाज्या सॅलडच्या स्वरूपात खाल्ल्याने किंवा त्यांचा रस प्यायल्याने शरीर तंदुरुस्त राहते आणि अनेक आजारांपासून दूर राहण्यास मदत होते असे म्हटले जाते. कच्च्या भाज्यांमध्ये अनेक आवश्यक जीवनसत्त्वे (vitamins) आणि खनिजे (minerals) असतात जे स्वयंपाक प्रक्रिये दरम्यान निघून जातात. कच्च्या भाज्यांमध्ये असलेली खनिजे आणि जीवनसत्त्वे रोगप्रतिकारक शक्ती मजबूत करण्यासाठी आणि रोगांपासून बचाव करण्यासाठी अद्भूतरित्या काम करतात. कच्च्या भाज्यांचे सेवन केल्याने नक्कीच आरोग्याला अनेक फायदे होतात, पण कोणत्याही गोष्टीचे अतिसेवन शरीराला गंभीर हानी पोहोचवू शकते.
आणि कच्च्या भाज्यांचाही त्यात समावेश आहे असे तज्ज्ञांचे मत आहे. आयुर्वेदात सांगितले आहे की कच्च्या भाज्यांचे जास्त सेवन केल्याने आरोग्याला अनेक प्रकारे हानी पोहोचते. फैट टू स्लिमच्या डायरेक्टर आणि न्यूट्रिशनिस्ट अँड डाइटिशियन शिखा अग्रवाल शर्मा यांचं असं म्हणणं आहे की, कच्च्या पदार्थांच्या अतिसेवनाने काही पोटात संसर्ग किंवा अपचन होऊ शकते. प्रश्न असा आहे की तुम्ही हिरव्या भाज्या नक्की कशा खाव्यात, मग ते शिजवलेले असाव्यात की कच्च्या? सत्य काय आहे ते जाणून घेऊया.
शिजवलेल्या अन्नापेक्षा कच्चे अन्न शरीराला पचायला जड जाते. कच्चे अन्नपदार्थ अवशोषण कमी करतात आणि अग्नीही कमी करतात ज्यामुळे पचनक्रिया मंद होऊ शकते. काही कच्च्या खाद्यपदार्थांमध्ये पौष्टिक विरोधी म्हणजे अँटी-पोषक घटक देखील असतात, जे पदार्थांचे पौष्टिक शोषण पूर्णपणे रोखतात. हेच कारण आहे की त्यांना शिजवून खाण्याचा सल्ला दिला जातो.
जर तुम्हाला मळमळ, थकवा, चक्कर येणे, सूज येणे, जुलाब किंवा IBS सारखी लक्षणे जाणवत असतील तर समजून जा तुमच्या शरीरात काही ठीक नाही. तुम्ही कच्च्या भाज्यांचे जास्त प्रमाणात सेवन करू नये कारण ते बॅक्टेरियांचे घर आहे, जे फक्त भाज्या धुण्याने नष्ट होत नाहीत.
तुम्ही हिरव्या भाज्या हलक्या वाफवू शकता, उकळू शकता किंवा काही मसाल्यांमध्ये शिजवू शकता. काही लोकांचं म्हणणं असं आहे की, शिजवल्याने त्यातील पोषक तत्वे कमी होऊ शकतात पण जर तुम्ही ते पचवू शकत नसाल तर ते तुमच्या सिस्टमसाठी काही उपयोगाचे नाहीत. तुम्ही पालेभाज्या डाळ, सूप, किंवा इतर भाज्यांसोबत देखील शिजवून खाऊ शकता. भाज्या अॅल्युमिनियम किंवा तांब्याच्या भांड्यात शिजवू नयेत.
कच्चा पालक, चार्ड, फ्लॉवरमध्ये ऑक्सलेट असतात जे किडनी स्टोनची अवस्था खराब करू शकतात किंवा तयार करू शकतात आणि मोठ्या प्रमाणात खाल्ल्यास लोह आणि कॅल्शियमचे शोषण देखील रोखू शकतात. कच्च्या केलमध्ये गॉइट्रोजेन्स असतात जे थायरॉईडच्या कार्यावर मोठ्या प्रमाणात परिणाम करू शकतात.
कोबी, ब्रोकोलीसारख्या कच्च्या कुरकुरीत भाज्या मोठ्या प्रमाणात थायरॉईड ग्रंथीला प्रतिबंधित करू शकतात. कच्चे केल किंवा बोक चॉय कच्चे खाल्ल्याने काही लोकांच्या शरीरावर सूज येऊ शकते.
गाजर, बीट, काकडी, सेलेरी, व्हीटग्रास, आले, ओवा आणि सीताफळ यांचे ज्यूस बनवू शकता. पोटात सूज आणि ढेकर येणे टाळण्यासाठी ज्यूसमध्ये चिमूटभर मीठ घालायला विसरू नका. एका वेळी जास्त रस पिणे टाळा हे लक्षात ठेवा.
