सैराट फेम आकाश ठोसर सध्या करतो हे काम..!

Ⓜ️Mollywood.. सैराट फेम आकाश ठोसर सध्या करतो हे काम..!

मुंबई २०१६ मध्ये नागराज मंजुळेंचा ‘सैराट’ हा मराठी चित्रपट प्रदर्शित झाला आणि या सिनेमाने एक नवा इतिहास घडवला. या इतिहासाचे शिलेदार होते या चित्रपटातल्या व्यक्तिरेखा आर्ची आणि परश्या. परश्या ची भूमिका करणारा आकाश ठोसर या चित्रपटामुळे महाराष्ट्राच्या कानाकोपऱ्यात पोचला. आकाश मूळचा सोलापूरचा. इतर मुलांप्रमाणे चित्रपट बघण्याची आवड असलेला. मात्र एक दिवस त्याचं नशीब बदललं आणि ‘सैराट’ नावाच्या चित्रपटात त्याने चक्क मुख्य नायकाची भूमिका केली.
२०१६ मध्ये नागराज मंजुळेंचा ‘सैराट’ हा मराठी चित्रपट प्रदर्शित झाला आणि या सिनेमाने एक नवा इतिहास घडवला. या इतिहासाचे शिलेदार होते या चित्रपटातल्या व्यक्तिरेखा आर्ची आणि परश्या. परश्या ची भूमिका करणारा आकाश ठोसर या चित्रपटामुळे महाराष्ट्राच्या कानाकोपऱ्यात पोचला. आकाश मूळचा सोलापूरचा. इतर मुलांप्रमाणे चित्रपट बघण्याची आवड असलेला. मात्र एक दिवस त्याचं नशीब बदललं आणि ‘सैराट’ नावाच्या चित्रपटात त्याने चक्क मुख्य नायकाची भूमिका केली.

अभिनय करणार हे दूर दूर पर्यंत आकाशच्या मनात नव्हत. पण सैराटच्या यशानंतर त्याने अभिनयाचं क्षेत्र निवडलं आणि त्यासाठी लागणारी सगळी मेहनत केली आणि अजूनही करतो आहे. या क्षेत्रात येण्यापूर्वी आकाश कुस्ती खेळत असे.

सैराटच्या ऑडिशनच्या वेळी नागराज यांच्या छोट्या भावाने आकाशला पाहिले आणि ऑडिशन देण्याविषयी सुचवले. दोनच दिवसांत त्याची निवड झाली आहे असे त्याला कळले. या चित्रपटासाठी त्याला वजन कमी करावे लागणार होते जे त्याने केले देखील. त्यापुढे घडला तो ‘सैराट’ थेट..

आकाशने त्यानंतरही अभिनय सुरू ठेवला. ‘एफ यू: फ्रेंडशिप अनलिमिटेड’ (२०१७) हा मराठी चित्रपट, ‘लस्ट स्टोरीज’ (२०१८) आणि ‘झुंड’ (२०२०) हे हिंदी चित्रपट, १९६२: द वॉर इन द हिल्स ही वेब सिरीज यामध्ये आकाशने काम केले. नागराज मंजुळेंचा ‘झुंड’ हा चित्रपट अजून प्रदर्शित झाला नसला तरी आकाशची त्याच्या आवडत्या अभिनेत्याबरोबर म्हणजेच अमिताभ बच्चन बरोबर काम करण्याची इच्छा या चित्रपटाने पूर्ण केली आहे.
त्याला व्यायामाची आवड आहे. आणि सध्या तो बॉडी बिल्डिंग च्या मागे आहे.खूपदा तो सोशल मीडिया वर आपले जिम मधले किंवा व्यायाम करतानाचे फोटो शेअर करत असतो. आकाशने व्यायाम करून पिळदार शरीरयष्टी कमावली आहे.कदाचित पुढील एखाद्या चित्रपटात पिळदार शरीर यष्टीचा आकाश आपल्याला सर्वांनाच पहायला मिळेल.