अमळनेर (प्रतिनिधी) आज (दि.११) येथे पूज्य साने गुरुजी ग्रंथालय व मोफत वाचनालयाच्या वतीने साने गुरुजी पुण्यतिथी कार्यक्रम आयोजित करण्यात आला. दिलीप सोनवणे हे अध्यक्ष स्थानी होते त्यांनी पूज्य साने गुरुजींच्या जीवन कार्याचा आढावा भाषणातून घेतला.
व्यासपीठावर विश्वस्त बापू नगावकर, संयुक्त चिटणीस सुमित कुलकर्णी व सदस्य अँड रामकृष्ण उपासनी, ईश्वर महाजन, दीपक वाल्हे, प्रसाद जोशी उपस्थित होते.
कार्यक्रमाचे अध्यक्ष दिलीप सोनवणे यांनी साने गुरुजी यांच्या प्रतिमेचे पूजन केले तर ज्येष्ठ विश्वस्त बापू नगावकर यांनी प्रतिमेला माल्यार्पण केले.यावेळी वाचक शशिकांत पाटील, अविनाश जाधव, कर्मचारी सीमा धाडकर, सुरेश जोशी, रमेश सोनार व वाचक मोठ्या संख्येने उपस्थित होते. कार्यक्रमाचे प्रास्ताविक वाचनालयाचे सदस्य ईश्वर महाजन यांनी तर आभार प्रदर्शन दिपक वाल्हे यांनी केले.
