लालबागचा राजाच्या दागिन्यांचा लिलाव; १.२५ कोटींची रक्कम गोळा

मुंबई 

मुंबईतील प्रसिद्ध   लालबागच्या राजाला अर्पण करण्यात आलेल्या सोन्या-चांदीच्या वस्तूंचा लिलाव करण्यात आला. या लिलावाद्वारे १ कोटी २५ लाख रुपये इतकी रक्कम गोळा झाली. लिलाव करण्यात आलेल्या या वस्तूंमध्ये चांदीची गदा, हार, बाप्पाच्या मूर्ती, मोदक, साखळ्या, सोन्याचे दागिने, ताट-वाटी चमचा, सोन्याचा मुलामा चढवलेले चांदीचे पाय आणि इतर वस्तूंचा समावेश होता.

 गणेशोत्सवादरम्यान लालबागच्या राजाला अर्पण करण्यात आलेल्या सोन्या-चांदीच्या वस्तूंचा लिलाव करण्यात आला. या लिलावाद्वारे १ कोटी २५ लाख रुपये इतकी रक्कम गोळा झाली. लिलाव करण्यात आलेल्या या वस्तूंमध्ये चांदीची गदा, हार, बाप्पाच्या मूर्ती, मोदक, साखळ्या, सोन्याचे दागिने, ताट-वाटी चमचा, सोन्याचा मुलामा चढवलेले चांदीचे पाय आणि इतर वस्तूंचा समावेश होता.

दरवर्षी शेकडो भाविक लालबाग च्या राजा गणपतीला विविध वस्तू दान देत असतात. यात सोने,चांदीचे दागिने,आणि इतर वस्तूंचा समावेश असतो. भाविक मोठ्या श्रद्धेने ह्या वस्तू दान करीत असतात.या वस्तूंचा दरवर्षी लिलाव केला जातो. लिलावातून कोट्यवधी रुपयांची उलाढाल होत असते. हा पैसा कुठे जातो याचे काय होते हा प्रश्न तसाच उरतो.

या सोन्याच्या वस्तूंपैकी सोन्याचे ताट, दोन वाट्या, दोन चमचे आणि एका पेला ४३ लाख रुपयांना विकले गेले. याच वस्तूंची किंमत सर्वाधिक आली. या सर्व वस्तूंचे वजन १२३७ ग्राम इतके भरले. या बरोबरच एक किलो सोन्याच्या पट्ट्याचा ३९ लाख ५१ हजार रुपयांना लिलाव झाला. सोन्याचा मुलामा असलेल्या चांदीच्या पावलांचे वजन ५०० ग्राम इतके भरले. या पावलांच्या लिलावात ६६ हजार रुपये गोळा झाले. याबरोबरच सोन्याचा हारही १ लाख ५ हजार रुपयांना विकला गेला. ही माहिती मंडळाचे कोषाध्यक्ष मंगेश दळवी यांनी दिली.

याबरोबरच मोठा चांदीचा हार आणि सोन्याची साखळी अनुक्रमे १ लाख आणि १ लाख ५ हजार रुपयांना विकले गेले. या बरोबरच हिरेजडीत सोन्याची अंगठीही ९४ हजारांना विकली गेली.

दरम्यान, अजूनही काही दागिन्यांचा लिलाव बाकी असल्याची माहिती मंडळाने दिली. पुढील दोन दिवस या दागिन्यांची विक्री करण्यात येणार असून बाजारमुल्याप्रमाणे सर्व दागिन्यांची विक्री करण्यात येणार असल्याचे कोषाध्यक्ष दळवी म्हणाले. याचाच अर्थ यंदा लालबागच्या राज्याला अर्पण झालेल्या दागिन्यांची विक्री तीन दिवस चालणार आहे.

या पूर्वी लालबागच्या राजाच्या सर्व दागिन्यांचा लिलाव एकाच दिवशी करण्यात आला आहे. गेल्या वर्षी एकूण ९ कोटी रुपये जमा झाले होते. यात दागिन्यांच्या लिलावाची रक्कम होती १ कोटी ९ लाख रुपये, तर ६ कोटी ५ लाख रुपयांची रोकड जमा झाली होती. गेल्या वर्षी १.२ किलो वजनी गणपतीची सोन्याची मूर्ती ३५. ७५ लाखांना विकली गेली होती. सोन्याचा पट्टा ३१.२५ लाखांना विकला गेला, तर रोलेक्स घड्याळ ४ लाख रुपयांना विकले गेले.

लिलावातून येणारा पैसा कुठे जातो,टॅक्स पेड केला जातो का,भावीकांच्या भावना दुखावल्या जात नाहीत का?हा पैसा इतर कार्यात उपयोगात आणता येऊ शकतो का?असे अनेक प्रश्न उपस्थित होतात.