Maharashtra

पुणे हादरले…!गोल्ड मॅन ची गोळीबारात हत्या..!

पुणे हादरले…!गोल्ड मॅन ची गोळीबारात हत्या..!

गोल्ड मॅन म्हणून ख्याती असलेल्या पुण्याच्या तरुणाची कात्रज परिसरातील भारती विद्यापीठ परिसरात गोळीबाराच्या माध्यमातून हत्या करण्यात आली आहे. दुपारी झालेल्या या थरारक घटनेमुळे खळबळ उडाली आहे.

समीर उर्फ़ सम्या मणुर वय 40, रा. आंबेगाव असे हत्या झालेल्या तरुणाचे नाव असल्याचे समजते. गोल्डमॅन म्हणून तो परिचित होता. पोलिसांनी दिलेल्या माहितीनुसार, समीर मनूर शेख असं हत्या झालेल्या तरुणाचं नाव आहे. आज सोमवारी दुपारी बाराच्या सुमारास भारती विद्यापीठ पोलीस चौकीपासून हाकेच्या अंतरावर झाला आहे. प्रचंड वर्दळ असणाऱ्या रस्त्यावर चंद्रभागा चौकात मारेकऱ्यांनी तब्बल 6 गोळ्या घालून त्यांचा खून केला. संबंधित हत्या आर्थिक कारणातून झाल्याची प्राथमिक माहिती समोर आली आहे.

बांधकाम व्यावसायिक समीर मनूर शेख याने आरोपी मेहबूब बलुर्गी या आपल्या मित्राकडून 5 लाख रुपये उसने घेतले होते. मृत समीर याने यातील अडीच लाख रुपये मेहबूबला परत दिले. पण उरलेले पैसे देण्यासाठी मात्र समीर टाळाटाळ करू लागला. विशेष म्हणजे, मृत समीर अंगावर भरपूर सोनं घालून परिसरात ‘गोल्डन मॅन’ बनून फिरतो. पण आपले अडीच लाख रुपये देत नाही.

यामुळे मेहबूबचा समीरवर राग होता. यातूनच संतापलेल्या मेहबूब याने दोन महिन्यांपूर्वी समीरची गळ्यातील सोन्याची चैन ओढण्याचा प्रयत्न केला होता. त्यामुळे दोघांमधील वाद विकोपाला गेला. यातूनच मेहबूब याने समीरचा पाठलाग करून त्याला भयंकर मृत्यू दिला आहे. आरोपीनं समीरला पाठीमागून पकडून जवळून 6 गोळ्या घालल्या आहेत. भरदिवसा गोळ्या घालून हत्या केल्याने परिसरात खळबळ उडाली आहे. या प्रकरणी पोलिसांनी आरोपी मेहबूबला ताब्यात घेतलं आहे. या घटनेचा पुढील तपास पोलीस करत आहेत.भारती विद्यापीठ पोलीस स्टेशनला गुन्हा दाखल करण्यात आला आहे.

संबंधित लेख

Leave a Reply

Back to top button