India

भारताचे पहिले चीफ ऑफ डिफेन्स स्टाफ (सीडीएस) जनरल बिपीन रावत पत्नीसह हेलिकॉप्टर दुर्घटनेत निधन

भारताचे पहिले चीफ ऑफ डिफेन्स स्टाफ (सीडीएस) जनरल बिपीन रावत पत्नीसह हेलिकॉप्टर दुर्घटनेत निधन

कुन्नूर तामिळनाडूमध्ये झालेल्या हेलिकॉप्टर दुर्घटनेत भारताचे पहिले चीफ ऑफ डिफेन्स स्टाफ (सीडीएस) जनरल बिपीन रावत पत्नीसह मृत्यू झाला आहे.या हेलिकॉप्टरमध्ये एकूण 14 लोक होते, ज्यांपैकी 13 जणांचा मृत्यू झाला आहे. ग्रुप कॅप्टन वरुण सिंह हे या अपघातात जखमी झाले आहेत. त्यांच्यावर उपचार सुरु आहेत.

तामिळनाडूतील कुन्नूर येथे भारतीय लष्कराचे हेलिकॉप्टर कोसळून भीषण दुर्घटना घडली आहे. या दुर्घटनेत देशाचे संरक्षण दलप्रमुख जनरल बिपीन रावत गंभीररित्या जखमी झाले होते. त्यांना तातडीने रुग्णालयात दाखल करण्यात आले होते. मात्र तिथे उपचारादरम्यान त्यांचा मृत्यू झाला असून देशासाठी ही सर्वात धक्कादायक अशी घटना आहे. रावत यांचे निधन झाल्याच्या वृत्ताला भारतीय हवाईदलाने दुजोरा दिला आहे.

बिपीन रावत हे आज सकाळी ८.४७ वाजता दिल्ली विमानतळ येथून विशेष विमानाने सुलूर येथे पोहचले होते. तिथे ११.३४ वाजता पोहचल्यानंतर एमआय १७ या हवाईदलाच्या हेलिकॉप्टरने ते वेलिंग्टनकडे निघाले. वेलिंग्टन येथील स्टाफ कॉलेजमध्ये एक कार्यक्रम होता. त्यात ते लेक्चर देणार होते. मात्र, ११.४८ वाजता सुलूर येथून निघाल्यानंतर १२.२२ वाजता त्यांच्या हेलिकॉप्टरचा संपर्क तुटला आणि काही वेळातच हेलिकॉप्टर कोसळल्याचे वृत्त आले. या दुर्घटनेत रावत हे गंभीररित्या जखमी झाले होते. त्यांना तातडीने स्थानिक रुग्णालयात दाखल करण्यात आले होते. त्यांची प्रकृती चिंताजनक असल्याचे सांगण्यात आले होते. दरम्यान, काही वेळापूर्वीच त्यांच्या निधनाचे वृत्त आले आहे.या घटनेच्या चौकशीचे आदेश देण्यात आले आहेत, असं वायूसेनेने स्पष्ट केलं आहे.

राजभवनातील कार्यक्रम रद्द

दुर्घटनेच्या पार्श्वभूमीवर मुंबईत राजभवन येथे होणारा राष्ट्रपती रामनाथ कोविंद यांचा कार्यक्रम रद्द करण्यात आला आहे. दुर्घटनेच्या पार्श्वभूमीवर असा कार्यक्रम करणं योग्य ठरणार नाही. हा कार्यक्रम पुढे ढकलला आहे.

भारतीय हवाई दलाने अधिकृत ट्वीटर हँडलवरून याबाबत माहिती दिली. तामिळनाडूतील हेलिकॉप्टर दुर्घटनेत १३ जणांचा मृत्यू झाला आहे. मृतांमध्ये जनरल बिपीन रावत, त्यांची पत्नी मधुलिका रावत यांचा समावेश आहे, असे हवाईदलाने नमूद केले आहे. दुर्घटनेत शौर्यचक्र विजेते भारतीय हवाई दलाचे ग्रुप कॅप्टन वरुण सिंह हे जखमी असून त्यांच्यावर वेलिंग्टन येथील लष्करी रुग्णालयात उपचार सुरू आहेत, असेही स्पष्ट करण्यात आले. हेेलिकॉप्टरमध्ये एकूण १४ जण होते त्यापैकी १३ जणांचा मृत्यू झाला आहे.

दरम्यान, बिपीन रावत यांच्या निधनाने देशावर मोठा आघात झाला आहे. २०२० मध्ये रावत यांच्याकडे संरक्षण दल प्रमुखपदाची धुरा देण्यात आली होती. ते देशाचे पहिले संरक्षण दल प्रमुख (सीडीएस) ठरले. संरक्षण दल प्रमुख म्हणून आणि त्याआधी लष्करप्रमुखपदावर असताना रावत यांच्या नेतृत्वाखाली अनेक महत्त्वाची ऑपरेशन्स झाली. रावत यांचा अपघाती मृत्यू झाल्याने सर्वांनाच धक्का बसला असून या दुर्घटनेच्या कोर्ट ऑफ इन्क्वायरीचे आदेश दिले गेले आहेत.2015 मध्ये देखील मृत्यच्या दाढेतून ते परत आले होते. असाच अपघात त्यांच्या चिता ह्या हेलिकॉप्टर ला 3 फेब्रुवारी 2015 मध्ये दिमापूर नागालँड येथे झाला होता. तेंव्हा ते लेफ्टनंट जनरल होते.

संबंधित लेख

Leave a Reply

Back to top button