?Breaking…. पत्रकारांना फ्रंट लाईन वर्कर घोषित करून तात्काळ लसीकरण करा..ना छगन भुजबळ यांची मागणी
नाशिक मार्च-२०२० पासून संपूर्ण भारत देशात कोविड-१९ या विषाणुचा संसर्ग वाढत आहे. कोविड-१९ चा संसर्ग वाढत असताना महाराष्ट्र राज्यातील आरोग्य कर्मचारी, पोलीस, सफाई कर्मचारी व इतर अनेक अत्यावश्यक सेवा देणाऱ्या विभागातील कर्मचारी शासनाच्या मार्गदर्शनाखाली उत्तम काम करत आहेत.
अत्यावश्यक सेवा देणाऱ्या कर्मचाऱ्यांप्रमाणेच विविध वृत्तपत्रांचे पत्रकार, वृत्तवाहिन्यांचे वार्ताहार व प्रतिनिधी हे देखील बातम्यांच्या शोधात संपूर्ण राज्यभर फिरत असतात. प्रत्येक जिल्हा, तालुका व गावाची कोविड-१९ च्या संसर्गाबाबतची सद्यस्थिती विविध माध्यमाद्वारे शासनास अवगत करण्याचा प्रयत्न करत
असतात. त्यामुळे पत्रकार व वृत्तवाहिन्यांचे प्रतिनिधी यांना फ्रंटलाईन वर्कर्स चा दर्जा देवून त्यांचे लसीकरण करणे आवश्यक आहे.
देशातील इतर काही राज्यांनी याबाबत सकारात्मक निर्णय घेतला असून आपणही आपल्या राज्यात पत्रकार व वृत्तवाहिन्यांचे प्रतिनिधी यांना फ्रंटलाईन वर्कर्स चा दर्जा देवून त्यांचे तातडीने लसीकरण करणेबाबतचा सकारात्मक निर्णय घेण्यात यावा, अशी विनंती छगन भुजबळ यांनी मुख्यमंत्र्यांकडे केली आहे.
