Amalner Election 2025: अमळनेर शहर विकास आघाडी कडून आचार संहितेचा भंग… चिन्ह वाटप केले नसतांना प्रचारात शिट्टीचा उपयोग…
अमळनेर नगरपरिषदेच्या निवडणुकांची रण धुमाळी सुरू असून शहरातील वातावरण मोठ्या प्रमाणात राजकीय झाले आहे. या पार्श्वभूमीवर अमळनेर नगरपरिषद निवडणूक आचार संहितेच्या नियमांनुसार आणि जिल्हाधिकाऱ्यांनी प्रसिद्ध केलेल्या नियमावलींनुसार दि 26 नोव्हेंबर 2025 रोजी सर्व अधिकृत पक्ष, आघाडी अपक्ष उमेदवार यांना निवडणूक चिन्ह वाटले जाणार आहे. पण यापूर्वीच अमळनेर शहर विकास आघाडीने शिट्टी या चिन्हाचा वापर करून आचार संहितेचा भंग केल्याची घटना घडली आहे. प्रचारा दरम्यान शहर विकास आघाडी चे उमेदवार सर्वत्र शिट्टी वाजवत फिरत असून हस्त पत्रके, सोशल मीडिया बॅनर इ ठिकाणी देखील सर्रास शिट्टी चिन्हाचा वापर केला जात आहे. आता शहर विकास आघाडीवर आचार संहितेचा भंग केल्या बद्दल निवडणूक अधिकारी काय कार्यवाही करतात या कडे लक्ष आहे.
या संदर्भात अमळनेर नगरपरिषदेचे मुख्याधिकारी आणि सहायक निवडणूक अधिकारी श्री गणेश शिंदे यांच्या शी भ्रमणध्वनी वरून सदर प्रकरण बाबतीत शहानिशा केली असता त्यांनी अजून कोणालाही चिन्ह वाटप करण्यात आलेले नाही.26 तारखेला चिन्ह वाटप करण्यात येईल.अशी प्रतिक्रिया दिली आहे.
