Amalner Election 2025: बाहेरून कुणीही यावे आणि अमळनेर वर राज्य करून जावे… हाई जळगांव न पार्सल जळगाव ले परत धाडा… डॉ तुम्ही सुद्धा..?
नागरिकांनो समस्या घेऊन जळगावी जाणार का?
अमळनेर नगरपरिषदेच्या निवडणुकांमुळे वातावरण तापले आहे. थंडीतही घाम फोडण्यासारखे वार प्रतिवार केले जात आहे. शहरात उलट सुलट चर्चांना उधाण आले असून उमेदवारांची एकमेकांवर कुरघोडी तर होतेच आहे पण मतदार,कार्यकर्ते यांच्याही चर्चा रंगल्या आहेत. नगराध्यक्ष पदाचे शिवसेनेचे (शिंदे गट) उमेदवार डॉ परीक्षित बाविस्कर हे जळगाव येथे राहत असून गेल्या अनेक वर्षांपासून त्यांचा अमळनेर शी फारसा संबंध नाही. गेल्या 10 वर्षात अमळनेर शहर, शहराच्या समस्या, प्रश्न मोठ्या प्रमाणात बदलल्या आहेत. त्यात हे बाहेरून “मागवलेले” डॉ. किती इलाज करतात हा प्रश्न मतदारांना पडला आहे. जन्म इथे झाला आणि प्राथ.शिक्षण अमळनेर येथे झाले म्हणून जनतेशी कोणताही संपर्क नसताना थेट नगराध्यक्ष ह्या महत्वाच्या पदासाठी येऊन उभे राहणे हे नैतिक दृष्टीने डॉ तुम्हाला तरी योग्य वाटते का? कोरोनात कमावलेला पैसा इथे खर्च करायला आले आहे का? असा ही प्रश्न मतदारांना पडला आहे.शहरातील अनेक सामाजिक कार्यकर्त्यांनी अनेक वर्षे अमळनेर तालुक्यातील प्रश्न, समस्या, लोकांसाठी कामे केली आहेत. निव्वळ पैसा दाखवून तुम्ही लोकांची दिशाभूल करू शकत नाही. असा स्पष्ट इशाराही मतदार देत आहेत.
अमळनेर तालुक्याचा मागील इतिहास पाहता कुणीही बाहेरील व्यक्तीने यावे आणि पैशांनी विकत घेऊन अमळनेर वर राज्य करावे.2010 पासून अमळनेर तालुक्याला कुणीही यावे टपली मारून जावे हा शाप लागला आहे, तो दूर करण्याची वेळ येऊन ठेपली आहे. अमळनेर विकाऊ म्हणून राज्यात प्रसिद्ध आहे. इतिहासाची पुनरावृत्ती होऊ नये याची काळजी मतदारांनो घ्यावी अशी चर्चा सुशिक्षित वर्गात होत आहे.
