बोरखेडा रावेर चौथ्या भावंडांच्या हत्येप्रकरणी १९ वर्षिय मुख्य आरोपीस अटक …केर्हाळे तालुका रावेर येथून केली अटक
रावेर/ मुबारक तडवी
अधीक्षकांची पत्रकार परिषदेत माहिती
रावेर येथून जवळच असलेल्या बोरखेडा शेत शिवारात चार भावंडांची निर्गुण हत्या केल्याप्रकरणी पोलिसांनी आज मुख्य आरोपीला शास्त्रोक्त पुराव्याच्या आधारावर अटक करण्यात आली आहे . महेंद्र सिताराम बारेला ( वय १ ९ , रा . केन्हाळा ) असे अटक केलेल्या आरोपीचे नाव आहे .
याबाबत सविस्तर माहिती अशी की , पोलीस अधिक्षक डॉक्टर प्रवीण मुंडे यांनी आज रावेर पोलीस स्थानकात एक पत्रकार परिषद घेऊन माहिती दिली . त्यात त्यांनी सांगितले , रावेर शिवारात बोरखेडा रोड लगत शेतात दि . १६ ऑक्टोबर रोजी शेतातील शेतमजुराच्या घरात चार भावंडांचा निर्गुण खून झाल्याची घटना उघडकीस आली होती . यासंदर्भात रावेर पोलीस स्थानकात ३०२ सह तपासादरम्यान ३७६ ( अ ) ४५२ लैंगिक अपराधा पासून बालकांचे संरक्षण अधिनियम २०१२ चे कलम ४,६,८,१० , १२ अन्वये कलमांची वाढ करण्यात आली होती . सदर गुन्ह्याचे गांभीर्य ओळखून नाशिक परिक्षेत्राचे विशेष पोलीस नाशिक ग्रामीण, धुळे, नंदुरबार जळगाव गुन्हा अन्वेषण सह रावेर पोलीस , एलसीबी , सायबर सेल अशा एकूण ७० पोलीस कर्मचाऱ्यांचे पथक नेमले होते . सदर गुन्ह्याच्या तपासात ५४ साक्षीदारांची सखोल चौकशी करून तसेच शासकीय वैद्यकीय महाविद्यालय जळगावकडून मयताच्या शवविच्छेदनाचा प्राप्त अहवाल , न्यायसहाय्यक वैज्ञानिक प्रयोगशाळा नाशिककडून प्राप्त अहवाल , तांत्रिक व शास्त्रीय पुराव्याच्या आधारे तसेच घटनास्थळावरील परिस्थितीजन्य पुराव्याच्या आधारे हे हत्याकांड महेंद्र सिताराम बारेला यांनी केल्याचे पोलीस तपासात निष्पन्न झाल्याने त्याला आज पोलिसांनी अटक केली आहे . तर या गुन्ह्यातील इतर संशयितांची चौकशी सुरू असून सदर गुन्ह्याचा तपास पोलीस करीत आहे